Arbaca, (Boosaaso 22-12-2021), Dagaal ayaa maalinkii labaad ka socda magaalada Boosaaso kaasi oo u dhexeeya ciidanka Maamulka Puntland iyo Ciidamada PSF ee uu hoggaamiyo Maxamuud Diyaano.Waxa muuqata inaan wali lagu guulaysan dadaaladii xabad joojinta ahaa ee ay wadeen Waxgaradka deegaanku.
Dagaalladan ayaa sababay dhimasho iyo dhaawacyo aan tiradooda weli la xaqiijin.
Xukuumadda Puntland ayaa sheegtey in ay diyaar u tahay xabbad-joojin ka dhaqan-gasha Boosaaso iyo wada-hadal ay la gasho PSF – Wasiirka Amniga Mr.Gallan.
“Waayo-aragnimo badi dadka Soomaaliyeed soo arkeen ayaan saakay dhadhaminay. Marna ma fileyn adiga oo macawistii jiifka qaba ayaad ka qixi doontaa Boosaaso. waxase wacay baabuur kaddib markii gurigii na xigay uu ku habsaday madfac ayna u geeriyoodeen tiro shacab ah. Gaadhiga iga dambeeya qiyaastii 60 qof oo ehelkayga ah ayaan ku saarannahay kuwaas oo dumar iyo carruur u badan gogol iyo gassiinba guryahooda kaga soo cararay ! “.
Waxaa qoray Kamaaludiin Abshir oo kamid ah dhallinyarada Boosaaso.
