Nidaamka Xisbiyadeena, waa lagu soo meel maray – mase u muuqdaan kuwo u guuraya jihadii loogu talo galay ee ahayd in ay Bulshada u raraan nidaam Xisbiyeed aan ku salaysnayn qabiil & Siyaasiyiiin ku Meeraysta Xisbiyadda dhexdooda.Dan weyn baa Somaliland iyo bulshadaba ugu jirta in la yagleelo ururo cusub iyadoo la nidaaminayo, lana dejinayo shuruuc heer sarre ah oo dhiiri galinaysa ururo ku salaysan mabaa’dii & afkaar horumarineed oo ay Xisbiyadu ku kala duwan yihiin.
Si la mid ah doorashooyinkii dalka ka dhacay ee meesha ka saaray gollayaashii muddo dhaafay, ansixinta Xeer 14 u gogal xaadhaya furista ururo cusub waxa ay taariikh u noqon doontaa Golayaasha sharci dejinta ee hadda & Madaxweyne Muse Biihi Abdi iyadoo horseedi doonta 10 sanno oo kale iyo jawi siyaasadeed xisbiyo cusub ay jilayaan/hoggaaminayaan.
Waxa la gaadhay xiligii la adkayn lahaa nidaamka ururada & xisbiyadda ee dalka ee la kor joogtayn lahaa shuruucda ay isku maamulaan ururadu/xisbiyadu dhexdooda si ay dimuquraadi u noqdaan isla markaan hadafkii dalku ka lahaa ay uga midho dhaliyaan.
Agaasimaha Guud Ee Wasaarada Shaqada iyo Arimaha Bulshada Somaliland Cabdirashiid.
