Tababar ku saabsan habka loo sameeyo gargaarka degdega ah ( First Aid ) ayaa maanta ay qaateen saraakiisha ciidanka Dab-demiska Somaliland, waxaa tababakan bixinayay mac-hadka tababarada caafimaadka ee Hargeisa Nursing School, waxaanuu ka qabsoomay taliska guud ee ciidanka Dab-demiska Somaliland.Taliyaha ciidanka Dab-demiska Somaliland sareeye guuto Axmed Maxamed Xasan Sawaaxili, Agaasimaha machadka Hargeisa nursing school ayaa tababarkaa furay waxaana goobjoog ahaa macalimiinta tababarkan bixinayay iyo xubno ka mida ardayda machadka.
Tababarkan ayaa socon doona muddo laba cisho ah waxaana ciidanku ku baran doonaan habka loo sameeyo gargaarka degdega ah, maadaama oo markasta ciidamadu la kulmaan xaalado u baahan gargaar degdeg ah.
@Warbaahinta Ciidanka Dab-Demiska Somaliland.
