Ururka Wacyigelinta iyo Dabargoynta Mukhaadaraadka oo ah urur bulshada ka wacyigeliya arrimaha mukhaadaraadka sida xashiishadda, khamariga iyo qaadka ayaa maalmahan wacyi-gelin ballaadhan ka waday Gobolka Sool.
Guddoomiyaha ururka Sheekh Siciid Yuusuf iyo xubno kale oo ururka ka tirsan ayaa wacyigelintan ka waday magaalada laascaanood ilaa shalay. Ururku waxa uu la kulmayaa madaxda, odayaasha, waxgaradka iyo qaybaha kale duwan ee magaalada laascaanood si ay ugu baraarujiyaan sidii gobolka oodhan looga oogi lahaa wacyigelinta mukhaadaraadka.
Ururku waxa uu caawa ku qaban doonaa masaajidada magaalada Nadwo ballaadhan oo ka hadlaysa dhibaatooyinka Mukhaadaraadka iyo waxyeelada caafimaad iyo dhaqaale ay bulshada ku keenaan.
Ururku waxa uu si guud uga shaqeeya arrimaha maandooriyaha sidii loo dabargoyn lahaa si bulshadu u noqoto bulsho nadiifa oo ay ka madhantahay isticmaalka maandooriyhu.
Guud ahaan uruku waxa uu soo casumaa wadaadada, aqoonyahanka, dhakhaatiirta iyo abwaanada si ay uga qaybqaataan wacyigelintan.
Sadam Osman Maxamed.
