Agaasimaha waaxda amniga dawlada hoose caasimada Hargeysa Xasan Maxamed Cabdilaahi ayaa maanta kulan la qaatay Taliyaha Ciidanka Dab-demiska Somaliland sareeye guuto Axmed Maxamed Xasan Sawaaxili.Kulankan oo lagaga wada hadlay sidii tababaro iyo wacyigelin ku saabsan ka hortagga aafada dabka loo siin lahaa guddiyada nabadgelyada degmooyinka Hargeysa iyo sidii wadashaqayn dhaw ay u yeelan lahaayeen marka hawlgalada lagu jiro ciidanka Dab-demiska Hargeysa iyo guddiyada nabadgelyada degmooyinku.
Kulankan oo qabsoomay taliska guud ee ciidanka dabdemiska ayaa laysla qaatay in wadashaqayn dhaw laga wada yeesho arrimahaa kor ku xusan.
