Kaaliye borofisoor ah oo ka tirsan xarunta daraasaadka Afrika iyo bariga ee Addis Ababa, Samuel Tefera (PhD) ayaa ugu baaqay dadka Afrikaanka ah in ay ku garab-istaagaan Itoobiyaanka dagaalka ka dhanka ah ee ol’olaha war-baahinta been-abuurka ah.Samuel waxa uu sheegay in Itoobiya ay hormuud ka tahay mashruuca wada-noolaansha hal Afrika (Pan-Africanism), isaga oo intaa ku daray colaadda ay Itoobiyaanku ku jiraan in ayna ahayn kaliya colaad iyaga la xidhiidha ee waxa ay shisheeyuhu sida oo kale dagaalka kula jiraan Afrika inteeda kale.
Waxa uu carrabka ku adkeeyay in loo baahan yahay in qaaradda laga difaaco xumaanta ay faafinayaan war-baahinta reer-galbeedka ee ku salaysan magaca fikirka xorta ah ee ka dhanka ah Afrika.
Samuel oo hadalkiisa sii wata ayaa kula dardaarmay saxafiyiinta reer-galbeedku in ay ogaadaan sida anshaxa saxafigu yahay, islamarkaana ay dhagaysteyaashooda siiyaan xog lagu kalsoonaan karo oo ku saabsan waxa dhabta ah ee ka socda Itoobiya.
Xigasho: FBC.
