Dowlada Ingiriiska ayaa Lizzie Walker, usoo magacowday in ay noqoto wakiilka cusub ee dowlada UK u fadhiyi doona xafiiska Hargaysa ee Somaliland, iyadoo badalaysa Staurt Brown. ” aad & aad baan ugu faraxsanahay in aan xafiiska Hargeysa kala wareego Stuart Brown” ayey ku tiri Twitter ay qortay markii ay timid Hargeysa.
Wasiirka Wasaarada Arrimaha Dibadda Somaliland, DR Ciise Maxamuud Kayd, ayaa marwo Walker kusoo dhaweeyay magaalada Hargaysa, isla markaana Walker ayaa dhankeeda wasiir Kayd uga mahadcelisay soo dhawaynta.
“Aad ayaan uga mahadcelinayaa in Wasiirka Ariimaha Dibadda Somaliland, ii igu soo dhaweeyo xafiiska UK ee Somaliland, anigoo kala wareegi doona Staurt Brown…waxan ka shaqayn doona horumarinta xidhiidhka Somaliland iyo UK,” ayay tidhi Walker.
” Waxaan aad ugu faraxsanahay soo dhaweyntii wacneyd ee la igu soo dhaweeyey Somalianand, waxaanan sii wadi Doonaa xoojinta xiriirka ka dhaxeeysa UK & Somaliland & sidii aan isugu soo dhaweyna lahaa labada dhinac.” ayey tiri Lizzie Walker, wakiilka cusub ee dowladda UK u fadhiyi doona Somaliland.
Walker ayaa horay usoo noqotay madaxa Badhtamaha Afrika ee Xafiiska Arrimaha Dibadda, Barwaaqo-sooranka iyo Horumarinta ee Dowlada Ingiriiska.
Somali
English