Sida wararka ay ku helayso Hargeysa Herald waxaa xabsiga loo taxaabay qaar kamid ah roodhiilayaasha magaalada Hargeysa.
Waxaa xalay saqdii dhexe soo galay Baraha bulshada muuqaal laga duubay roodhiilayaal is dhaarsanaya.
Muuqaalkan waxaa aad uga qayliyey shacabka Somaliland, gaar ahaan, kuwa ku dhaqan magalada Hargeysa. muuqaalkan waxaa lagu arkaayey roodhiilayaal isku dhaarsanaaya in ay qaaliyeeyaan sicirka roodhida ay sameeyaan.
Muuqaalkan waxaa ka hadlay siyaasiyiin badan iyo qaar ka mid ah xildhibaanaa golaha wakiilada.
“Laxooxdiina ku guraacda oo awoodiina muujiya” ayaa ay xildhibaanaa Golaha wakiiladu soo jeediyeen iyagoo warbaahinta la hadlaaya.
Halka qaar kamid xildhibaanadu si jilicsan uga hadleen muuqaalkan is-dhaarsiga ah ee ay roodhiilayaashu ku heshiinayeen si ay u kiciyaan sicirka roodhida.
“Maciishad kacday oo laga qaylinaayo ma arkaayo” xildhibaan Khaar Guun.
“Hadii aan tallaabo laga qaadin waxa ay horseedi doontaa in dhammaan ganacsatadu u tashato danyarta” xildhibaan cali qaran oo ka tirsan golaha wakiilada ayaa bartiisa facebook ku qoray.
Sida aan wararka ku helayno qaar kamid ganacsatada roodhiilayaasha ayaa haddeer qaar ka mid loo taxaabay saldhigyada booliiska. Sababta loo aanaynayaana waa muuqaalkii ay isku dhaarsanayeen ee ay xalay goor danbe soo baahiyeen, dadkuna maanta aad uga qayliyeen.
