Maamulka Dawladda Hoose ee Magaalada Hargeysa ayaa raali gelin ka bixiyay cabasho ka soo yeedhay Dirawalada Tagaasida Loo Yaqaano VITZ.Duqa Caasimadda, Xoghayaha Dawladda Hoose iyo Maamulka Kale ayaa sheegay in qaabka loo Wajahay Cashuur Ururinta Gaadiidkaas ay ka Garaabeen.
“Dawlada hoose kama xishoonayso in ay raaligaliso darawalada tagaasida yaryar ee caasimada in cashuur ururinta lagu bilaabay iyada oo aan la sii ogaysiin.” ayuu yidhi Duqa Caasimadda Cabdikariin Axmed Mooge.
“Sidaa darteed waxa aanu go,aansanay in raaligalin la idin siiyo, maalmo ogaysiis ahna la idin siiyo, tagsiilow waxa aanu kuu ogolnahay 4 cisho oo maanta ka bilaabmaya oo ku eg sabtida in aad ku ogaato in lagaa rabo cashuurtii kugu waajibtay.”
