Dawladda Hoose ee Magaalada Hargeysa ayaa bilaabay ololaha soo ururinta weelka iyo maacuunka aan u wanaagsanayn badqabka caafimaadka shacabka ee ay istcimaalaan cuntadana ku diyaariyaan maqaayadaha shaaha iyo hudheelada cuntadu.
hawlwadeenada dawladda hoose ayaa dhexqaaday suuqyada magaalada Hargeysa si toosana u gelaayey meelaha cuntooyinka lagu sameeyo, iyaga oo weelka si toosa gacantooda ugu ee gaayey.
Dawladda Hoose waxay maamushaa ilaalinta fayadhawrka iyo caafimaadka dadweynaha, waxaanay leedahay qaybta fayadhawrka caafimaadka oo uu u furanyahay xafiis dhan. Xafiiskanina waxa uu maamulaa waaxyaha dhammaan degmooyinka ku yaala magaalada Hargeysa. Degmada Magaalada Hargeysa waxay ka koobantahay 8 degmo oo kale ah Degmada maxamed mooge, Degmada Maxamuud Haybe, Degmada Axmed dhagax, Degmada Gacan libaax, Degmada Ibraahim Koodbuur, Degmada 26-Juun, Degmada Macalim Haaruun, iyo Degmada 31-May.
