12.9 C
Hargeisa
Wednesday, December 8, 2021
HomeWararkii CaalamkaMadaxweynaha Jamhuuriyadda Somaliland, Mudane Muuse Biixi Cabdi ayaa Tacsi u Diray...

Madaxweynaha Jamhuuriyadda Somaliland, Mudane Muuse Biixi Cabdi ayaa Tacsi u Diray Alle ha u naxariistee Marxuum Cumar Maxamuud Nimcaale (Cumar Yare)

Madaxweynaha Jamhuuriyadda Somaliland, Mudane Muuse Biixi Cabdi, isagoo ku hadlaya magaciisa, ka dawladda iyo ka shacbiga Jamhuuriyadda Somaliland, waxa uu dhambaal tacsi ah u dirayaa, waxgaradka, waayeelka, aqoonyahanka, qoyska, ehelada, qaraabada, asxaabta, iyo shacbiga Somaliland, ee uu ka baxay Alle ha u naxariistee Marxuum Cumar Maxamuud Nimcaale (Cumar Yare) oo ku geeriyooday Xalay oo ay taariikhdu ahayd 08/11/2021, Caasimada Somaliland ee Hargeysa.
Waxaanu Madaxweynuhu marxuumka ku sifeeyey siyaasi ruugcadaa ah oo ka baxay qaranka Somaliland, xukuumadii Madaxweyne AHU Maxamed Xaaji Ibraahim Cigaal, ka soo qabtay xilal Wasiirnimo oo kala ah wasiirkii Arrimaha Gudaha iyo wasiirka Gashaandhiga, waxa kale oo uu ahaa saraakiishii lagu aas aasay ciidanka Booliska Somaliland, markii aynu la soo noqonay Xornimadeena, doormuhiimana waxa uu ku lahaa nabadayntii shacbiga Jamhuuriyadda Somaliland ku dhaqan iyo dib u dhiskii dalka, waxaana lagu xasuustaa inuu ahaa dadka ay ku dheertahay qarannimada Jamhuuriyadda Somaliland.
Madaxweynuhu waxa uu marxuumka ALLE uga baryayaa inuu naxariistii janno ka waraabiyo, waxgaradka, waayeelka, aqoonyahanka, qoyska, ehelada, qaraabada, asxaabta iyo shacbiga Somaliland ee uu ka baxayna samir iyo iimaan saadiqa ka siiyo.

SAADAASHA HAWADA | Weather

Hargeisa
clear sky
12.9 ° C
12.9 °
12.9 °
90 %
5.4kmh
10 %
Wed
23 °
Thu
23 °
Fri
22 °
Sat
21 °
Sun
22 °

INTERNATIONAL TRADE EXPO

- Advertisement -spot_img

HORSEEDKII AFRIKA | THE AFRICAN PIONEERS

- Advertisement -spot_imgspot_img

ARAGTI | OPINIONS