12.9 C
Hargeisa
Wednesday, December 8, 2021
HomeCity Hall newsMagaalada Berbera oo ku guuleysatey abaal marin qaali ah

Magaalada Berbera oo ku guuleysatey abaal marin qaali ah

~ Hay’adda Qaramada Midoobay u qaabilsan dhallaanka ee UNICEF, ayaa ku dhawaaqday in magaalada Berbera ee Jamhuuriyadda iskeed ugu dhawaaqday madaxbannaanida ee Somaliland, ay ku guulaysatay abaalmarinta maamulka magaalooyinka carruurta u fiican ~

UNICEF ayaa sheegtay in maamulka magaalada Berbera uu ku guulaystay inuu adeegyada asaasiga ah u dhaadhiciyo gudaha.

Hay’adda waxay sheegtay in tan iyo 2014, ay magaalada dhaqangelinaysay hannaanka adeegyada dadka lagu gaarsiiyo waxyaabaha aasaasiga ah, iyadoo maamulka magaalada uu wax ka qabtay adeegyada asaasiga ah sida caafimaadka iyo waxbarashada iyagoo la shaqeynaya dowladda Somaliland iyo UNICEF-ba.

Sida ay sheegtay UNICEF, Intaas waxaa sii dheer in dowladda hoose ee Berbera ay sare u qaadday miisaaniyadda iyagoo kharashka magaalada uga soo xarooda u adeegsaday bixinta adeegyada asaasiga ah, oo ay miisaaniyadda waxbarashada iyo caafimaadka ka soo qaadeen illaa $40,000 oo doolar oo la isticmaali jiray 2014 halka ay 2021 gaarsiiyeen $1,339,872 oo dollar.

Cabdishakuur Cidin

XIGASHADA SAWIRKA, UNICEF

Qoraalka sawirka, Maayirka magaalada Berbera, Cabdishakuur Cidin

Maayirka magaalada Berbera, Cabdishakuur Maxamuud Cidin, oo ka hadlayay abaalmarinta ay magaaladiisa ku guulaysatay ayaa sheegay: “Guulaha ugu waa wayn waxaa ka mid ah in dhaqaalaha ka soo xarooda degmada, iyadoon meel kale laga doonayn, in isla degmada lagaga shaqeeyo.”

“Guulaha la taaban karo waxaa ka mid ah in caafimaadka iyo waxbarashada ay heleen adeegyo iyo dhaqaale aanay markii hore heli jarin oo aanay degmada ka heli jirin,” ayuu yiri maayir Cidin.

Hay’adda UNICEF waxa ay sheegtay in xiriir wanaagsan oo ka dhaxeeya waaxda waxbarashada iyo maalgashi buuran oo dhinacaas la galiyay uu horseeday in iskuullada Berbera, intii u dhaxaysay 2014 illaa 2020, ay 38% sare u kaceen ardayda iska diiwaangelisay.

Dowladda hoose ee magaalada Berbera waxa ay taageertaa 10,000 oo arday ah oo 46% ay gabdho yihiin kuwaas oo wax ka barta 47 iskuul oo magaaladaas ku yaal.

Iskuul Berbera ku yaal

XIGASHADA SAWIRKA, UNICEF

Barkhad Cabdikariim oo maamulo mid ka mid ah iskuullada magaaladaasi, oo la hadlay UNICEF, ayaa dowladda hoose ee magaaladaas ku amaanay sida ay u gacanqabato iskuullada: “Isbedelka uu ku tallaabsaday iskuulka inta ay dowladda hoose gacanta ina siinaysay waxaa ka mid ah dhismaha fasallo cusub, qalabaynta fasallada, gunnada la siiyo macallimiinta iyo waardiyayaasha iskuulka ka howlgala.”

Hay’adda Qaramada Midoobay u qaabilsan Dhallaanka ee UNICEF ayaa sheegtay in maamulka magaalada Berbera uu soo bandhigay in dowladaha hoose ay dowr muhiim ah ka ciyaari karaan horumarinta adeegyada asaasiga ah.

Waxyaabaha ay magaaladaasi ku hormartayna waxaa ka mid ah in dowladda hoose ay kordhisay dhaqaalaha ay ku bixiso adeegyada asaasiga ah ee waxbarashada iyo caafimaadka, dhaqaalahaas oo waayadii hore aanan la heli jirin, iyadoo sidaas lagu helay adeegyo tayo leh oo bulshada waxtar u leh.

Berbera

XIGASHADA SAWIRKA, GOOGLE

Maayirka Cabdishakuur Maxamuud Cidin ayaa tilmamay in sida loogu baahan yahay in dowladaha hoose ay ka soo dhalaalaan howsha loo xilsaaray: “In la helo dowlad hoose oo awood leh in ay dhisi karto, qalabayn karto, la socon karto goobaha xannaanada.”

Dhanka kale maamulka magaalada Berbera waxa uu xoogga saaray goobaha caafimaadka oo ay ka caawiyaan dhaqaalaha, qalabka, dawada iyo bixinta gunnooyinka.

Maayir Cidin ayaa sheegay in markii tallaaba ay qaadaanba ay midkale soo baxayso, balse waxa uu carrabka ku adkeeyay in hiigsigooda uu yahay “in aannu noqono kuwo ku filan baahida dadkooda, maadaama ay magaaladu fidaysana waxaannu qorshaynaynaa in aan sii calaamadayno goobaha ay carruurta ku ciyaari doonaan.”

source: BBC

SAADAASHA HAWADA | Weather

Hargeisa
clear sky
12.9 ° C
12.9 °
12.9 °
90 %
5.4kmh
10 %
Wed
23 °
Thu
23 °
Fri
22 °
Sat
21 °
Sun
22 °

INTERNATIONAL TRADE EXPO

- Advertisement -spot_img

HORSEEDKII AFRIKA | THE AFRICAN PIONEERS

- Advertisement -spot_imgspot_img

ARAGTI | OPINIONS